Úrskurðarnefnd um viðskipti við fjármálafyrirtæki

Nefndin tekur til meðferðar mál sem varða réttarágreining milli seljanda annars vegar og viðskiptamanns hins vegar í tengslum við kaup á fjármálaþjónustu, enda sé til staðar samningssamband milli aðila. Nefndin tekur til meðferðar mál sem m.a. varða þjónustu sem veitt er á grundvelli starfsleyfis skv. lögum um fjármálafyrirtæki nr. 161/2002 eða lögum um greiðsluþjónustu nr. 120/2011, eða á grundvelli laga um neytendalán nr. 33/2013 eða laga um fasteignalán til neytenda nr. 118/2016. Skilyrði fyrir málsmeðferð nefndarinnar er að samningssamband sé á milli seljanda og viðskiptamanns.