Evrópska vátrygginga- og lífeyrissjóðaeftirlitsstofnunin (EIOPA), evrópska bankaeftirlitsstofnunin (EBA) og evrópska verðbréfamarkaðseftirlitsstofnunin (ESMA) gefa út viðmiðunarreglur (e. guidelines) að eigin frumkvæði sbr. heimild í 16. gr. reglugerða um að koma á fót evrópsku eftirlitsstofnununum (ESA‘s) nr. 1093-1095/2010, sem innleiddar hafa verið í lög nr. 24/2017 um evrópsk eftirlitskerfi á fjármálamarkaði. Tilgangur viðmiðunarreglnanna er að koma á samræmdri, árangursríkri og skilvirkri eftirlitsframkvæmd innan evrópska fjármálaeftirlitskerfisins og að tryggja sameiginlega, einsleita og samræmda beitingu á löggjöf ESB.