Ákvarðanir og gagnsæi: 2018 (Síða 2)

Fjármálaeftirlitið hóf í febrúar 2018 athugun á tilkynningum Gamma Capital Management hf. (Gamma/félagsins) til Fjármálaeftirlitsins um hreinar skortstöður í hlutabréfum á grundvelli reglugerðar Evrópuþingsins og ráðsins (ESB) nr. 236/2012 um skortsölu og tiltekna þætti skuldatrygginga (hér eftir skortsölureglugerðin/reglugerðin) sem tók gildi hér á landi með lögum nr. 55/2017 um skortsölu og skuldatryggingar. 

Hinn 9. maí 2018 gerðu Fjármálaeftirlitið og Stapi lífeyrissjóður, hér eftir nefndur málsaðili, með sér samkomulag um að ljúka með sátt máli vegna brots á 1. mgr. 86. gr. laga nr. 108/2007 um verðbréfaviðskipti (vvl.).

Fjármálaeftirlitið hóf athugun á aðgerðum gegn peningaþvætti og fjármögnun hryðjuverka í október 2017. Athugunin beindist að öllum starfandi sparisjóðum, þ.e. Sparisjóði Austurlands hf., Sparisjóði Höfðhverfinga ses., Sparisjóði Strandamanna ses. og Sparisjóði Suður-Þingeyinga ses. 

Fjármálaeftirlitið hóf í febrúar 2018 athugun á því hvernig vinnuferli við uppgreiðslu fasteignalána er háttað hjá Arion banka hf., Íslandsbanka hf., Landsbankanum hf., Íbúðalánasjóði, BRÚ lífeyrissjóði, Gildi lífeyrissjóði, Lífeyrissjóði starfsmanna ríkisins og Stapa lífeyrissjóði. Markmið athugunarinnar var að skoða sérstaklega hvort starfsemi framangreindra aðila að þessu leyti væri í samræmi við eðlilega og heilbrigða viðskiptahætti, sbr. 1. mgr. 8. gr. laga nr. 87/1998 um opinbert eftirlit með fjármálastarfsemi. Einnig hvort ofangreindir viðskiptabankar uppfylltu að þessu leyti skilyrði 19. gr. laga nr. 161/2002 um fjármálafyrirtæki en þar kemur fram að fjármálafyrirtæki skuli starfa í samræmi við eðlilega og heilbrigða viðskiptahætti og venjur á fjármálamarkaði. 

Fjármálaeftirlitið hóf athugun á aðgerðum gegn peningaþvætti og fjármögnun hryðjuverka hjá Kortaþjónustunni hf. með bréfi dagsettu 19. apríl 2017.

Hinn 17. apríl 2018 tók stjórn Fjármálaeftirlitsins þá ákvörðun að leggja stjórnvaldssekt að fjárhæð 5.700.000 krónur á Arev verðbréfafyrirtæki hf. (Arev, félagið) vegna:

Fjármálaeftirlitið hóf athugun á tilgreindum þáttum áhættustýringar hjá Stefni hf., sem hefur starfsleyfi sem rekstrarfélag verðbréfasjóða, í október 2017. Markmið athugunarinnar var meðal annars að fá yfirsýn yfir verklag félagsins og ferla varðandi ákvarðanatöku við fjárfestingar og leggja mat á fyrirkomulag og virkni innra eftirlits og áhættustýringar, með tilliti til laga nr. 128/2011, um verðbréfasjóði, fjárfestingarsjóði og fagfjárfestasjóði og reglugerðar nr. 471/2014 um skipulagskröfur rekstrarfélaga.

Fjármálaeftirlitið hóf athugun á ferli fjárfestingar Frjálsa lífeyrissjóðsins í Sameinuðu sílikoni hf. síðastliðið haust, en lífeyrissjóðurinn útvistar starfsemi sinni að öllu leyti til Arion banka hf. Ítarleg upplýsinga- og gagnaöflun fór fram af hálfu stofnunarinnar í því skyni að varpa ljósi á fjárfestingarferlið og þær ákvarðanir sem sjóðurinn tók í tengslum við fjárfestingu í félaginu. Niðurstaða athugunarinnar lá fyrir í mars 2018.

Hinn 13.2.2018 gerðu Fjármálaeftirlitið og Origo hf., hér eftir nefndur málsaðili, með sér samkomulag um að ljúka með sátt máli vegna brots á 1. mgr. 122. gr. laga nr. 108/2007 um verðbréfaviðskipti.

Fjármálaeftirlitið hefur haft til athugunar hvort Landsbankinn hf. hafi brotið gegn 57. gr. a laga nr. 161/2002, um fjármálafyrirtæki (fftl.), og 3. gr. reglna nr. 700/2011 og 3. gr. reglna nr. 388/2016, um kaupaukakerfi fjármálafyrirtækja samkvæmt lögum um fjármálafyrirtæki, með því að hafa á árunum 2014 til 2016 greitt hluta af starfsmönnum sínum aukagreiðslur sem komu til viðbótar föstum launum þeirra án þess að það hafi verið gert á grundvelli kaupaukakerfis. 

Fjármálaeftirlitið hefur haft til athugunar hvort Landsbréf hf. hafi brotið gegn 57. gr. a laga nr. 161/2002, um fjármálafyrirtæki, 3. gr. reglna nr. 700/2011 og 3. gr. reglna nr. 388/2016, með því að hafa á árunum 2012-2016 greitt tilteknum starfsmönnum aukagreiðslur sem komu til viðbótar föstum launum þeirra án þess að það hafi verið gert á grundvelli kaupaukakerfis. 

Hinn 3. janúar 2018 gerðu Fjármálaeftirlitið og Hagar hf. með sér samkomulag um að ljúka með sátt máli vegna brots á 1. mgr. 87. gr. laga nr. 108/2007 um verðbréfaviðskipti.

Fjármálaeftirlitið hóf athugun þann 14. júlí 2017 á fjárfestingum Kviku banka hf. og Virðingar hf. fyrir hönd viðskiptavina í eignastýringu. Markmið athugunarinnar var að kanna hvort fjárfestingar væru í samræmi við skilgreinda fjárfestingarstefnu eignastýringarsamninga. Jafnframt var það markmið athugunarinnar að kanna hvernig lagt er mat á fjárfestingarkosti sem ekki eru skráðir á skipulegan verðbréfamarkað og þá hvernig samanburði við aðra fjárfestingarkosti er háttað.