Fjármálaeftirlitið gefur út drög að leiðbeinandi tilmælum um stjórnarhætti vátryggingafélaga, sbr. umræðuskjal nr. 12/2014
Fjármálaeftirlitið hefur gefið út umræðuskjal nr. 12/2014 um drög að leiðbeinandi tilmælum um stjórnarhætti vátryggingafélaga.
Tilmælin byggja á undirbúningstilmælum frá EIOPA um heildstætt kerfi stjórnarhátta (e. Guidelines on System of Governance). Tilmæli EIOPA eru hluti af nokkrum tilmælum sem sett voru í þeim tilgangi að virkja eftirlitsstjórnvöld og vátryggingafélög í undirbúningi Solvency II og eru svokölluð undirbúningstilmæli (e. preparatory guidelines). Markmið þessara tilmæla Fjármálaeftirlitsins er því að stuðla að viðeigandi undirbúningi vátryggingafélaga fyrir gildistöku Solvency II.
Umsagnaraðilar eru vinsamlegast beðnir um að skila umsögnum rafrænt á þar til gerðu umsagnareyðublaði. Umsagnareyðublaðið skal sent á netfangið fme@fme.is.
Þess er óskað að umsagnir berist eigi síðar en 13. nóvember nk.