Fréttir: mars 2014

Fjármálaeftirlitið hefur sent frá sér til umsagnar umræðuskjal nr. 4/2014 sem er drög að leiðbeinandi tilmælum um áhættustýringu og starfssvið tryggingastærðfræðings hjá vátryggingafélögum. Tilmælin eru byggð á grunni leiðbeinandi tilmæla Fjármálaeftirlitsins nr. 1/2011 um áhættustýringu vátryggingafélaga en gerðar eru á þeim nokkrar breytingar.

Á fundi stjórnar Fjármálaeftirlitsins þann 19. mars 2014 var umræðuskjal nr. 3/2014 samþykkt og ákveðið að gefa það út sem leiðbeinandi tilmæli um upplýsingakerfi eftirlitsskyldra aðila nr. 2/2014. Tilmælin taka gildi frá og með birtingu þeirra en á sama tíma falla leiðbeinandi tilmæli nr. 1/2012 um sama efni úr gildi.

Í tilefni af fréttum af fyrirhugaðri úthlutun sýndarfjár til Íslendinga (Auroracoin) vara íslensk stjórnvöld við hugsanlegri áhættu tengdri kaupum, varðveislu á eða viðskiptum með slíkt sýndarfé. Sýndarfé má lýsa sem tilbúnum stafrænum skiptimiðli (e. medium of exchange).

Fjármálaeftirlitið hefur gefið út leiðbeinandi tilmæli um mat á tengslum aðila vegna reglna um stórar áhættuskuldbindingar, sem settar eru á grundvelli 4. mgr. 30. gr. laga um fjármálafyrirtæki nr. 161/2002.

Fjármálaeftirlitið og Landssamtök lífeyrissjóða efndu ásamt Alþjóðasamtökum eftirlitsaðila lífeyrissjóða (IOPS) og Alþjóðasamtökum eftirlitsaðila vátryggingafélaga (IAIS) efndu til ráðstefnu þann 28. febrúar síðastliðinn undir yfirskriftinni  Regulatory and Supervisory Challenges for the Icelandic Pension Industry. Ráðstefnan fór fram í Súlnasal Radisson BLU Hótels Sögu. Dagskráin og kynningar eru hér fyrir neðan.