Fréttir: nóvember 2016

Fjármálaeftirlitið hefur aflað upplýsinga um umboðsmenn viðskiptavina hjá Arion banka hf., Íslandsbanka hf. og Landsbankanum hf.

Þriðja og síðasta tölublað Fjármála 2016  er komið út. Í blaðinu er meðal annars að finna grein um kerfislegt mikilvægi lífeyrissjóða og eftirlitshögnun á fasteignalánamarkaði. Höfundar eru Loftur Hreinsson, sérfræðingur í áhættugreiningu og María Finnsdóttir, sérfræðingur í fjárhagslegu eftirliti. Fjallað er enn fremur um fyrirtækja- og áhættumenningu, sem mikilvægan þátt í starfsemi fyrirtækja á fjármálamarkaði í grein sem Guðrún Finnborg Þórðardóttir, forstöðumaður reglusetninga og Hrafnhildar Mooney, sérfræðingur í áhættugreiningu skrifa. Að lokum skrifar svo Sigurður G. Valgeirsson grein um Fjármálaeftirlitið og fjölmiðla.

Fjármálaeftirlitið vekur athygli á umræðuskjali sem hægt er að nálgast á heimasíðu EBA, Evrópsku bankaeftirlitsstofnunarinnar. Um er að ræða „Consultation Paper – Draft Implementing Technical Standards amending Implementing Regulation (EU) No 680/2014 with regard to operational risk and sovereign exposures“.

Fjármálaeftirlitið vekur athygli á að Evrópska bankaeftirlitsstofnunin (EBA) hefur í fréttatilkynningu  á heimasíðu sinni birt skýrslu vegna fyrstu könnunar á innleiðingu og áhrifum IFRS 9 á bankastofnanir í Evrópu. Skýrslan inniheldur niðurstöður bæði úr eigindlega og megindlega (qualitative and quantitative) hluta könnunarinnar ásamt upplýsingum um fyrirhugaðar aðgerðir og verkefni EBA á þessu sviði.  Hérlendir viðskiptabankar tóku ekki þátt í könnuninni að þessu sinni en Fjármálaeftirlitið mun mælast til að þrír stærstu viðskiptabankarnir verði þátttakendur í framhaldskönnun EBA sem er við það að hefjast.

Fjármálaeftirlitið vísar til fréttar, dags. 14. október sl., varðandi stöðu Gable Insurance AG.

Þann 28. október 2016 komst Fjármálaeftirlitið að þeirri niðurstöðu að Dittó ehf. og Kristján Arason væru hæfir til að fara með virkan eignarhlut í Centra fyrirtækjaráðgjöf hf., sem nemur 20%, sbr. VI. kafla laga nr. 161/2002 um fjármálafyrirtæki. 

Fjármálaeftirlitið efndi hinn 3. nóvember til kynningarfundar vegna Solvency II regluverksins á vátryggingamarkaði.  Á fundinum var meðal annars fjallað um þær kröfur sem fylgja Solvency II um innihald og framsetningu skýrslu vátryggingafélaga um gjaldþol og fjárhagslega stöðu (SFCR) og reglubundinnar skýrslu til eftirlitsaðila (RSR). 

Hér með tilkynnist um fyrirhugaða yfirfærslu vátryggingastofns:
Yfirfærsla vátryggingastofns frá Bosworth Run-Off Limited, Bramton Insurance Company Limited, Knapton Insurance Limited, Marion Insurance Company Limited, Mercantile Indemnity Company Limited og Unionamerica Insurance Company Limited til River Thames Insurance Company Limited.

Hinn 1. nóvember 2016 tók Fjármálaeftirlitið ákvörðun um hækkun sveiflujöfnunarauka í samræmi við tilmæli fjármálastöðugleikaráðs frá 30. september 2016.

Fjármálaeftirlitið vekur athygli á kynningarfundi vegna Solvency II sem haldinn verður frá klukkan níu til ellefu fimmtudaginn 3. nóvember næstkomandi í húsakynnum Fjármálaeftirlitsins. Þar verður meðal annars fjallað um þær kröfur sem fylgja Solvency II um innihald og framsetningu skýrslu vátryggingafélaga um gjaldþol og fjárhagslega stöðu (SFCR) og skýrslu til eftirlitsaðila (RSR).