Fréttir: september 2007

Fjármálaeftirlitið vekur athygli á breyttri dagskrá ráðstefnu um yfirtökureglur sem haldin verður á Hótel Nordica þriðjudaginn 2. október.

Fjármálaeftirlitið veitti Lánasjóði sveitarfélaga ohf., þann 14. september 2007, starfsleyfi sem lánafyrirtæki samkvæmt 3. tl. 1. mgr. 4. gr. laga nr. 161/2002, um fjármálafyrirtæki.

Fjármálaeftirlitið samþykkti í dag umsókn Sparisjóðs Reykjavíkur og nágrennis um breytingu sparisjóðsins í hlutafélag.

Þann 7. september 2007, veitti Fjármálaeftirlitið Milestone ehf., heimild til þess að fara með virkan eignarhlut yfir 50% í fjárfestingarbankanum Askar Capital hf.

Fjármálaeftirlitið veitti A Verðbréfum hf., kt. 631006-1240, Klapparstíg 25-27, 101 Reykjavík, þann 13. september 2007, starfsleyfi sem verðbréfamiðlun, skv. 6. tl. 1. mgr. 4. gr. laga nr. 161/2002, um fjármálafyrirtæki.

Hlutfall vanskila af útlánum í lok 2. ársfjórðungs 2007 er tæplega 0,6% samanborið við 0,7% í lok 1. ársfjórðungs 2007 og rúmlega 0,5% í lok árs 2006.

Fjármálaeftirlitið birtir umræðuskjal nr. 7/2007 um drög að reglum um viðbótareftirlit með fjármálasamsteypum.

Fjármálaeftirlitið hefur heimilað Straumi-Burðarási fjárfestingarbanka hf. að eignast virkan eignarhlut í tékkneska bankanum Wood & Company.