Fréttir: júlí 2016

Fjármálaeftirlitið samþykkti þann 30. júní 2016 yfirfærslu fagfjárfestasjóðanna Burðaráss HL1, Burðaráss HS1 og Burðaráss SK1 frá ÍV sjóðum hf. til Straums sjóða hf. á grundvelli 1. mgr. 106. gr. laga nr. 161/2002, um fjármálafyrirtæki.

Með vísan til 82. gr. laga um vátryggingastarfsemi nr. 56/2010, sbr. 1. mgr. 70. gr. sömu laga, tilkynnist hér með um fyrirhugaða yfirfærslu vátryggingastofns:

Þriðji fundur fjármálastöðugleikaráðs á árinu 2016 var haldinn þriðjudaginn 5. júlí í fjármála- og efnahagsráðuneytinu. Á fundi ráðsins var farið yfir helstu áhættuþætti í fjármálakerfinu og greinargerð kerfisáhættunefndar til fjármálastöðugleikaráðs. Áhætta í fjármálakerfinu hefur lítið breyst frá síðasta fundi fjármálastöðugleikaráðs sem haldinn var í maí. Viðnámsþróttur einkageirans er enn að aukast og erlendar skuldir þjóðarbúsins dragast saman. Kerfisáhætta vegna útlána er lítið breytt. Útlán til einstaklinga og fyrirtækja jukust lítillega á síðustu mánuðum. Kerfisáhætta vegna  gjalddagamisræmi og lausafjárstöðu er ekki talin mikil og að mestu óbreytt frá síðasta fundi.

Fjármálaeftirlitið hefur gefið út umræðuskjal, nr. 9/2016, sem inniheldur drög að reglum um fyrirgreiðslur fjármálafyrirtækis til venslaðra aðila. Drögin fela í sér endurskoðun á reglum nr. 162/2011 um fyrirgreiðslur fjármálafyrirtækis til stjórnarmanna, framkvæmdastjóra, lykilstarfsmanna eða þeirra sem eiga virkan eignarhlut í því, eða aðila í nánum tengslum við framangreinda. Skjalið er birt á vefsíðu Fjármálaeftirlitsins, http://www.fme.is/log-og-tilmaeli/umraeduskjol.

Fjármálaeftirlitið vekur athygli á umræðuskjali sem hægt er að nálgast á heimasíðu EBA, Evrópsku bankaeftirlitsstofnunarinnar. Um er að ræða „Consultation Paper – Guidelines on disclosure requirements under Part Eight of Regulation (EU) 575/2013“

Fjármálaeftirlitið hefur gefið út sex umræðuskjöl, nr. 3 – 8/2016. Umræðuskjölin innihalda drög að reglum til að innleiða tæknilega staðla sem fylgja CRD IV löggjöfinni. Skjölin eru birt á vefsíðu Fjármálaeftirlitsins, http://www.fme.is/log-og-tilmaeli/umraeduskjol/.