Fréttir: apríl 2015

Fjármálaeftirlitið samþykkti þann 16. apríl 2015 samruna Sparisjóðs Norðfjarðar ses. við Sparisjóð Austurlands hf. en með samrunanum var rekstrarformi Sparisjóðs Norðfjarðar ses. breytt úr sjálfseignarstofnun í hlutafélag samkvæmt  73. gr., sbr. 3. mgr. 72. gr. og 106. gr. laga nr. 161/2002 um fjármálafyrirtæki.

Fjármál, vefrit Fjármálaeftirlitsins, er komið út og er þetta fyrsta tölublað ársins.  Í blaðinu eru fjórar greinar eftir sérfræðinga Fjármálaeftirlitsins en þetta er fjórða árið sem blaðið er gefið út.

Fjármálaeftirlitið hefur gefið út leiðbeinandi tilmæli nr. 1/2015 um starfsemi vísitölusjóða og kauphallarsjóða. Tilmælin varða fyrst og fremst upplýsingagjöf vegna starfsemi slíkra sjóða og er ætlað að stuðla að því að þeir veiti fjárfestum upplýsingar í samræmi við bestu framkvæmd eins og hún hefur verið afmörkuð í viðmiðunarreglum (e. guidelines) Evrópska verðbréfa- og markaðseftirlitsins, ESMA/2014/937.

Fjármálaeftirlitið hefur sett reglur um ársreikninga lífeyrissjóða, nr. 335/2015, en samkvæmt 5. mgr. 40. gr. laga um skyldutryggingu lífeyrisréttinda, nr. 129/1997, setur Fjármálaeftirlitið reglur um uppsetningu ársreiknings, innihald einstakra liða efnahagsreiknings, yfirlit um breytingar á hreinni eign til greiðslu lífeyris, sjóðstreymi, skýringar og mat á einstökum liðum. Eldri reglur, nr. 55/2000, höfðu ekki verið uppfærðar um nokkra hríð, jafnvel þótt gerðar hafa verið breytingar á lögum um ársreikninga frá því þær voru settar.

Annar fundur fjármálastöðugleikaráðs á árinu 2015 var haldinn þriðjudaginn 14. apríl í fjármála- og efnahagsráðuneytinu. Fjármálastöðugleikaráð er formlegur samstarfsvettvangur stjórnvalda um fjármálastöðugleika.  Ráðið er vettvangur samráðs, upplýsingaskipta og stefnumótunar vegna fjármálastöðugleika og samhæfir viðbúnað opinberra aðila við fjármálakreppu.

Fjármálaeftirlitið bauð eftirlitsskyldum aðilum á lánamarkaði og vátryggingamarkaði fyrir nokkru til kynningarfundar um nýlega innleitt verklag við gagnaskil hjá Fjármálaeftirlitinu og endurskoðun á gagnasöfnun þess með hliðsjón af kröfum CRD IV og Solvency II

Með vísan til 82. gr. laga um vátryggingastarfsemi nr. 56/2010, sbr. 1. mgr. 70. gr. sömu laga, tilkynnist hér með um fyrirhugaða yfirfærslu vátryggingastofna:

Þann 1. apríl síðastliðin tilkynnti Evrópska verðbréfamarkaðseftirlitið (ESMA) um að stofnunin ynni nú að miðlægum lausnum vegna ákvæða í reglugerð ESB nr. 600/2014 (Markets in Financial Instruments Regulation, MiFIR) og reglugerð ESB nr. 596/2014 (Market Abuse Regulation, MAR) um gagnasöfnun og ákvæða í reglugerð ESB nr. 648/2012 (European Market Infrastructure Regulation, EMIR) um aðgengi að gögnum frá afleiðuviðskiptaskrám.

Með vísan til 82. gr. laga um vátryggingastarfsemi nr. 56/2010, sbr. 1. mgr. 70. gr. sömu laga, tilkynnist hér með um fyrirhugaða yfirfærslu vátryggingastofna:

Vegna verkfalls verður enginn neytendasími opinn í dag hjá Fjármálaeftirlitinu. Vinsamlegast beinið því fyrirspurnum á fme@fme.is.

Neytendasíminn verður næst opinn næstkomandi þriðjudag á milli tíu og ellefu.

Evrópska eftirlitsstofnunin á vátrygginga- og lífeyrismarkaði (EIOPA) birti 26. mars sl. tækniráðgjöf til framkvæmdastjórnar Evrópusambandsins í tengslum við fjármögnunar- og viðreisnaráætlanir (e. finance scheme and recovery plan) og úrræði eftirlitsstjórnvalda við versnandi fjárhagsstöðu vátryggingafélaga eftir gildistöku Solvency II.