Tilkynning um fyrirhugaða yfirfærslu hluta vátryggingastofna
Hér með tilkynnist um yfirfærslu hluta vátryggingastofna frá Tokio Marine Kiln Insurance Limited og HCC International Insurance Company Plc til Tokio Marine Europe SA. Fyrirhugaðar yfirfærslur eru í samræmi við tilkynningu dags. 25. júlí 2018 frá breska fjármálaeftirlitinu Prudential Regulation Authority.
Vátryggingartakar og vátryggðir geta skilað skriflegum athugasemdum til Fjármálaeftirlitsins vegna fyrirhugaðra yfirfærslna innan eins mánaðar frá birtingu þessarar tilkynningar.
Ekki liggja fyrir staðfestar upplýsingar um hvort hjá félögunum séu fyrirliggjandi vátryggingasamningar vegna aðila hér á landi.
Fjármálaeftirlitið veitir nánari upplýsingar ef óskað er.